- Daxili siyasət
- 11:39 18.09.2024
Azərbaycan Respublikası Ali Məhkəməsinin sədri Ramiz Rzayevin əmri ilə Ali Məhkəmənin kollegiya sədrlərindən və struktur bölmələrinin rəhbərlərindən ibarət işçi qrupu yaradılıb.
Ali Məhkəmənin mətbuat xidmətindən AZƏRTAC-a bildiriblər ki, işçi qrupun yaradılmasının məqsədi Ali Məhkəmənin fəaliyyətinin səmərəliliyinin artırılması, Ali Məhkəmədə informasiya texnologiyalarının daha geniş tətbiqi, bu sahədə strateji inkişafın təmin edilməsi, “Elektron məhkəmə” informasiya sisteminin tətbiqinin təkmilləşdirilməsi, vətəndaşların məhkəməyə müraciət imkanlarının genişləndirilməsi və məmnunluğunun yüksəldilməsi, şəffaflığa və operativliyə nail olunmasıdır.
İşçi qrupunun işinə rəhbərlik Ali Məhkəmənin sədr müavini Çingiz Əsgərova həvalə edilib.