YAP İdarə Heyətinin iclası keçirilib, maliyyə hesabatı təsdiqlənib

Bu gün Yeni Azərbaycan Partiyasının (YAP) İdarə Heyətinin iclası keçirilib.

APA xəbər verir ki, iclasda YAP-ın 2021-ci il üzrə maliyyə hesabatları və “Yeni Azərbaycan Partiyasının Mərkəzi Aparatı və yerli təşkilat aparatları tərəfindən mühasibat uçotunun aparılması, maliyyə hesabatlarının hazırlanması və təqdim edilməsi üçün qəbul edilən konkret prinsiplər, əsaslar, qaydalar və metodların məcmusunu əks etdirən, eləcə də maliyyə təsərrüfat əməliyyatları üzrə bir sıra normativləri müəyyən edən uçot siyasəti” sənədi müzakirəyə çıxarılıb.

Müzakirələrdən sonra hər iki sənəd təsdiqlənib.

YAP-ın 2021-ci il üzrə maliyyə hesabatları Mərkəzi Seçki Komissiyasına təqdim ediləcək.