“Mənə müraciət edən seçicilərin demək olar ki, hamısında belə problem yaranır. Vətəndaş TƏBİB-lə rayon, Bakı və rayon arasında qalır. Bu hallar aradan qaldırılmalı, vətəndaşlar dövlətdən narazı salınmamalıdır”. Bu fikirləri Milli Məclisin Əmək və sosial siyasət komitəsinin bu gün keçirilmiş iclasında komitə üzvü Jalə Əliyeva əlillik təyinatında ciddi problemlərin mövcudluğuna dair fikirlərini əsaslandırarkən bildirib.
Milli Məclisin deputatı çıxışında həmçinin diqqəti Əmək və Əhalinin Sosial Müdafiəsi Nazirliyi tərəfindən həyata keçirilməkdə olan özünüməşğulluq proqramına da yönəldib. O, sözügedən proqramla əlaqədar vətəndaş müraciətrlərinə baxılmada da bəzi hallarda laqeydliklərin olduğunu vurğulayıb. Xanım deputat bu kimi halların aradan qaldırılmasının zəruriliyini vətəndaş məmnunluğunun dərinləşdirilməsi baxımından izah edib.
“Bakı-Baku.az”
