Səfir Rəşad Məmmədov Rəsulzadənin məzarını ziyarət edib

Azərbaycanın Türkiyədəki səfiri Rəşad Məmmədov və səfirliyin əməkdaşları Ankarada Azərbaycan Xalq Cümhuriyyətinin qurucularından olan, Azərbaycanda milli istiqlal fikirlərinin yayılmasına əhəmiyyətli töhfə vermiş Məhəmməd Əmin Rəsulzadənin məzarını ziyarət edib.

APA-nın yerli bürosunun xəbərinə görə, bu barədə məlumat Azərbaycanın Türkiyədəki Səfirliyinin “Twitter” hesabında paylaşılıb.

Qeyd olunub ki, ziyarət M. Ə. Rəsulzadənin anadan olmasının 138-ci ildönümü günü baş tutub.