Dövlət büdcəsində sosialyönümlü xərclər artıb

Cari ilin doqquz ayında sosialyönümlü xərclər məlum olub.

APA-nın xəbərinə görə, Maliyyə Nazirliyinin 2021-ci ilin doqquz ayı ərzində Azərbaycan Respublikası dövlət büdcəsinin icrasına (operativ) dair məlumatında qeyd olunub ki, iqtisadi təsnifata uyğun olaraq əməyin ödənişi fondu, təqaüd və sosial müavinətlər, dərman və ərzaq xərcləri dövlət büdcəsinin faktiki xərclərinin 43,2 faizini təşkil etməklə 7655,2 mln. manat məbləğində icra edilib.

Bu, ötən ilin eyni dövrü üzrə həmin xərc əməliyyatlarını 483,5 mln. manat və ya 6,7 faiz üstələyib.