İnformasiya təhlükəsizliyi və sosial şəbəkələrin tənzimlənməsi üçün qanunlar?

Milli Məclisin İqtisadi siyasət, sənaye və sahibkarlıq komitəsi payız sessiyası ərzində “İnformasiya təhlükəsizliyi haqqında” qanun layihəsinin hazırlanması ilə bağlı araşdırmalar aparacaq.

Bunu APA-ya açıqlamasında parlamentin İqtisadi siyasət, sənaye və sahibkarlıq komitəsinin sədri Tahir Mirkişili bildirib.

T. Mirkişili deyib ki, komitə sosial şəbəkələrdə cəmiyyət və dövləti narahat edən məsələlərin qanun vasitəsi ilə tənzimlənməsi bağlı yeni metodların axtarıb tapılması ilə bağlı da araşdırmalar aparmaq niyyətindədir.