Prezidentin təşəbbüsü - yeni metrostansiyaya "8 noyabr" adı veriləcək

Azərbaycan Respublikası Prezidenti, Silahlı Qüvvələrin Ali Baş Komandanı İlham Əliyev Bakı Metropoliteninin yeni stansiyasına Zəfər günü münasibətilə “8 Noyabr” adı verilməsi təşəbbüsü ilə çıxış edib.

Nazirlər Kabinetinin mətbuat xidmətindən APA-ya verilən məlumata görə, Nazirlər Kabineti bununla bağlı müvafiq qərar qəbul edib.

Qərara əsasən, “Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin təşəbbüsünə əsasən Bakı Metropoliteninin Nəsimi rayonu, Ceyhun Səlimov küçəsi, 1065-ci məhəllə ünvanında yerləşən yeni stansiyası “8 Noyabr” adlandırılıb.