Qardaş ölkənin Müdafiə Nazirliyi Türkiyə və Azərbaycan hərbçilərinin fotosunu paylaşıb

Türkiyənin Milli Müdafiə Nazirliyi cümə günü sosial şəbəkələrdə bu yaxınlarda EFES-2024 beynəlxalq təlimlərində iştirak edən Azərbaycan və Türkiyə hərbçilərini əks etdirən “Günün şəkli”ni paylaşıb.

AZƏRTAC xəbər verir ki, qardaş ölkənin müdafiə qurumunun sosial şəbəkə hesabı paylaşımı “Güc birlikdədir!” başlığı ilə yayımlayıb.

Nazirlik paylaşımda Türkiyə və Azərbaycanın dövlət bayraqlarının olduğu emojilərdən də istifadə edib.

Ramin Abdullayev

AZƏRTAC-ın xüsusi müxbiri