- Daxili siyasət
- 12:40 07.09.2024
Volfqanq Amadey Motsart dahi bəstəkar olub. O, cəmi 35 illik ömründə dünyanın musiqi xəzinəsinə bənzərsiz əsərlər bəxş edib. Motsartın sonuncu, yarımçıq qalmış “Rekviyem”i isə sonralar matəm marşı kimi tarixə düşüb. Tarixi şərait və reallıq onu deyir ki, indi hayların “sarı sim”inə məhz bu janrdakı musiqilər uyğundur. Onlar üçün hüznlü musiqini biz deyil, özləri “sifariş” veriblər.
Amma acı reallıqla barışmaq istəməyən işğalçı qonşularımız müvəqqəti qonaq olduqları Qarabağa aid mahnımızın qol-qabırğasını “sındırıb” erməni dilində oxumağa, hətta onu internet platformalarında yaymağa cürət ediblər.
Xəbər verildiyi kimi, Azərbaycan bəstəkarı Bəhram Nəsibovun varisi – Adıl Nəsibovun adından Əqli Mülkiyyət Agentliyinin və “Rəqəmsal və Audiovizual Yayım Sənayesi” İctimai Birliyinin dəstəyi ilə müəllif hüquqlarının pozulması ilə bağlı daxil olmuş şikayət əsasında erməni müğənni Gor Yepremyanın ifa etdiyi “Sirun jan” mahnısı “Youtube” platformasından, həmçinin “Youtube Music”, “Spotify”, “Apple Music”, “Amazon Music”, “Deezer” və digər rəqəmsal musiqi platformalarından CD BABY distribütor şirkəti tərəfindən silinib.
Əqli Mülkiyyət Agentliyinin məlumatına görə, Harut Pambukcyanın ifa etdiyi “Ağçı can” mahnısı da Azərbaycan bəstəkarı Bəhram Nəsibovun “Qarabağ” (“Anadır arzulara hər zaman Qarabağ”) mahnısının musiqisi ilə üst-üstə düşdüyü üçün “Youtube” platformasından çıxarılıb.
Bizə isə haylara onu demək qalır ki, doğma Qarabağımız kimi, milli mətbəximizi, xalçalarımızı, musiqimizi və daha nələrimizi mənimsəyərək öz adlarına çıxdıqları dövran artıq geridə qaldı. Müasir dünya artıq miflərə inanmır, tarix, mədəniyyət və məişət üzərində plagiatlıq da daha keçmir. Bu səbəbdən Gor Yepremyan kimi dığa-manıslar Azərbaycan bəstəkarının mahnısının sözlərini deformasiyaya uğradaraq öz ağıllarına və xam xəyallarına uyğun şəkildə dünyaya yaymaqdansa getsinlər Volfqanq Amadey Motsartın matəm marşını çox sevdikləri yastı balabanda ifa etsinlər. Həm də yeni aranjimanda, marşın harmoniyasına minor ladı qatmaqla, ona hayların indiki durumuna tən gələn, avazına düşən transpozisiya və modulyasiyalar tətbiq etməklə səsləndirsinlər. Bax, bu improvizə yüz illərdir “əzabkeş” maskası taxmış ermənilərin bioloji-psixoloji halına, hətta anatomiyasına tam adekvat olar...
İ.HƏSƏNQALA