USD/AZN
1.7
EUR/AZN
2.008
RUB/AZN
0.0228
TRY/AZN
0.2304
Bakı:
12°C
Turan Bank

Hulusi Kılıç: Qarabağ Bəyannaməsi Türk dünyasında əməkdaşlığın yol xəritəsidir


https://img.baki-baku.az/news/2024/07/photo_13255.jpg

Türk Dövlətləri Təşkilatının (TDT) Şuşada keçirilən qeyri-rəsmi Zirvə toplantısının yekunları üzrə qəbul edilən Qarabağ Bəyannaməsi türk dövlətləri arasında gələcək əməkdaşlığın yol xəritəsi oldu. Əminəm ki, bu Bəyannamənin bəndləri TDT-nin gələcək sammitləri zamanı nəzərə alınacaq və əsas götürüləcək.

Bu sözləri Türkiyənin Azərbaycandakı keçmiş səfiri, “İMZA” Sosial İnkişafa Dəstək İctimai Birliyinin Türkiyədəki nümayəndəsi Hulusi Kılıç AZƏRTAC-ın müxbiri ilə söhbətində deyib.

Kılıç qeyd edib ki, Türk Dövlətləri Təşkilatı addım-addım dövlətlərin və xalqların gələcək inkişafına təsir göstərən struktura çevrilir. “Şuşada keçirilən sammitin iştirakçıları birlik və əməkdaşlığın vacibliyini qeyd edərək, TDT-nin etibar edilən və dinlənilən güclü struktura çevrilməsinin tərəfdarı oldular. Türk ailəsi ideyası ətrafında birləşməyin zəruriliyi vurğulanıb”, - deyə keçmiş səfir qeyd edib.

Onun sözlərinə görə, bu qəbildən olan sammitlər Şuşanı TDT-nin siyasi mərkəzlərindən birinə çevirərək, Azərbaycanın beynəlxalq nüfuzunun artmasına kömək edir. “Şuşada keçirilən sammit həm də Bakının tərəfdaşlarını Azərbaycanın işğaldan azad edilmiş Qarabağ bölgəsinin bərpası istiqamətində aparılan genişmiqyaslı işlərlə tanış etmək üçün yaxşı fürsət oldu”, - deyə “İMZA” birliyinin nümayəndəsi bildirib.

Türkiyəli ekspert Azərbaycan Prezidenti İlham Əliyevin Şimali Kipr Türk Respublikasının (ŞKTC) lideri Ersin Tatarın Şuşaya dəvət edilməsi ilə bağlı qərarını yüksək qiymətləndirib. “Şuşada keçirilən qeyri-rəsmi TDT sammiti, şübhəsiz ki, ŞKTC-nin üzləşdiyi maneələrin dəf edilməsi yolunda yeni tramplin oldu”, - deyə Kılıç bildirib.

 

Ramin Abdullayev

 

AZƏRTAC-ın xüsusi müxbiri

Ankara




Redaktorun seçimi

Ermənistan üçün “geosiyasi qazan”
  • Daxili siyasət
  • 11:44 24.07.2024
Ermənistan üçün “geosiyasi qazan”
İndi də üstümüzə Kennedi gəlir
  • Daxili siyasət
  • 11:36 24.07.2024
İndi də üstümüzə Kennedi gəlir
Bayden getdi, Harris gəldi
  • Dünya
  • 13:05 23.07.2024
Bayden getdi, Harris gəldi
Mina terroru erməni təcavüzünün davamıdır
  • Daxili siyasət
  • 12:31 23.07.2024
Mina terroru erməni təcavüzünün davamıdır
“Makroniada”nın növbəti seriyası
  • Siyasi təhlil
  • 10:43 20.07.2024
“Makroniada”nın növbəti seriyası

Daxili siyasət