MSK-nın katibi: Passiv seçki hüququ ilə bağlı MSK-ya edilən müraciətlər qeydə alınıb

Passiv seçki hüququ ilə bağlı MSK-ya müraciətlər edilib və bu müraciətlər qeydə alınıb.

Bunu Mərkəzi Seçki Komissiyasının katibi Mikayıl Rəhimov “Vətəndaşların seçki hüququnun təmini” mövzusunda dəyirmi masada deyib.

MSK-nın gördüyü işlər barədə məlumat verən M.Rəhimov bildirib ki, sənədlərlə yaxından tanış olmaq üçün əlaqədar qurumlara hərtərəfli imkan yaradılıb.

İşğaldan azad edilən ərazilərdə 26 seçki məntəqəsinin yaradıldığını və seçki prosesi üçün hər bir şəraitin mövcud olduğunu qeyd edən M.Rəhimov indiyədək 17 min 500-dən çox müşahidəçinin qeydiyyatdan keçdiyini vurğulayıb.