Deputat məsələ qaldıracaq - sərhəd kəndlərin sakinləri üçün güzəşt olunsun

“Tarif Şurası qarşısında da məsələ qaldıracam ki, qaz və elektrik enerjisi, su tarifləri sərhəd kəndlərin sakinləri üçün 50 faiz güzəştli olsun. O kəndlərin əhalisinin buna ehtiyacı var. Eyni zamanda müvafiq xidmətləri təqdim edən qurumlara da müraciət etmişəm ki, sərhəd kəndlərdəki istehlakçılarla bağlı məlumat versinlər”. Bu fikirləri Milli Məclisin deputatı Arzu Nağıyev "musavat.com"a açıqlamasında bildirib. 

A.Nağıyev onu da bildirib ki, onun millət vəkili olduğu dairədə yerləşən Tovuz rayonunun 58 kəndinin çoxu məhz sərhəd kəndidir. 

Qeyd edək ki, A.Nağıyev parlamentdə 104 saylı Gədəbəy-Tovuz seçki dairəsini təmsil edir.