Əli Hüseynli: Növbədənkənar prezident seçkiləri Azərbaycanın siyasi tarixində mühüm yer tutacaq

Azərbaycan xalqı suverenliyini bərpa etdikdən sonra ilk dəfə seçkilərə hazırlaşır. Növbədənkənar prezident seçkiləri Azərbaycanın siyasi tarixində mühüm yer tutacaq.

Bu sözləri Milli Məclis Sədrinin birinci müavini Əli Hüseynli dairə seçki komissiyalarının sədrləri üçün keçirilən müşavirədə söyləyib.

Əli Hüseynli qeyd edib ki, Ulu Öndər Heydər Əliyevin qarşımıza hədəf olaraq qoyduğu seçki konfiqurasiyası, onun maddi-texniki bazası özünü doğruldub.