USD/AZN
1.7
EUR/AZN
2.008
RUB/AZN
0.0228
TRY/AZN
0.2304
Bakı:
12°C

Futbolda inanılmaz hesablar - 95-0 və 91-1


https://img.baki-baku.az/news/2022/07/photo_7229.jpg

Syerra-Leone Futbol Assosiasiyası 91:1 və 95:0 hesablı bitən oyunlarla bağlı araşdırmaya başlayıb.

Apasport.az saytının məlumatına görə, bu nəticələr yüksək liqaya vəsiqə uğrunda pley-off görüşlərində qeydə alınıb.

Son tur öncəsi “Qalf” və “Kaxunla Reyncers” eyni xala malik olub. Axırıncı matçda isə “Qalf” “Kokimu Livan”ı 91:1, “Kaxunla Reyncers” isə “Kokimu”nu 95:0 hesabı ilə məğlub edib. Bunlar Syerra-Leone futbol tarixinin ən böyükhesablı qələbələri olsa da, nəticələr ləğv edilib. Maraqlıdır ki, qarşılaşmaların ilk hissəsində müvafiq olaraq 2:0 və 7:1 hesabı qeydə alınıb. Hətta oyunlardan birinin baş hakimi ikinci hissəni idarə etməkdən boyun qaçırdığı üçün əvəzlənib.

Hər iki nəticə oyunların öncədən danışılması şübhəsi ilə ləğv olunub. Syerra-Leone Futbol Assosiasiyası hadisə ilə bağlı dörd klubun hər birinin oyunçuları, nümayəndələri, eləcə də hakimlərlə bağlı araşdırma aparılacağını açıqlayıb.

Assosiasiya rəhbəri Tomas Deddi Brima bunu biabırçılıq adlandırıb: “Biz dayanıb belə biabırçı vəziyyətin cəzasız qalmasına göz yuma bilmərik”.




Redaktorun seçimi

Maraqlı