- Siyasi təhlil
- 09:24 26.04.2024
Amerikalı məhşur aktyor Con Travolta həyat yoldaşı Kelli Prestonun bir il əvvəl döş xərçəngindən öldüyü malikanəni satıb. "Baki-Baku.az" xəbər verir ki, bununla bağlı məlumatı "Nyu-York Post" qəzeti yayıb. Məlumatda malikanənin Floridanın Kliruoter şəhərində yerləşdiyi, dörd min kvadrat metrdən çox ərazini əhatə etdiyi bildirilir.
Məlumatda həmçinin qeyd edilir ki, ev beş yataq otağı və altı vanna otağından ibarətdir. 2021-ci ilin mart ayında satışa çıxarılıb, qiyməti 4,65 milyon dollar idi. Amma aktyor əmlakı cəmi 4 milyon dollara sata bilib.
Qeyd edək ki, 67 yaşlı Travolta evi 2017-ci ildə üç milyon dollara almışdı.