"YouTube" blogerlərindən vergi tutula bilər

“Google” korporasiyası 2021-ci ilin iyun ayından etibarən “YouTube”da bloger fəaliyyəti ilə məşğul olanların gəlirlərindən vergi tutmaq niyyətindədir.

“APA-Economics” “Kommersant”a istinadən xəbər verir ki, bu barədə korporasiyanın blogerlər arasında yayılan açıqlamasında bildirilir.

Bu, vergi qanunvericiliyindəki dəyişikliklə əlaqədar ABŞ hökumətinin cari ilin iyun ayından etibarən ölkə xaricindəki müəlliflərdən vergi tutulması tələbinə aiddir.

“Vergi məlumatlarınız 31 may 2021-ci il tarixinədək verilməzsə, “Google” sizdən qlobal “YouTube” gəlirinizin 24%-dək vergi qismində tutmağı tələb edə bilər”, - açıqlamada deyilir.