ABŞ-ın Aeronavtika və Kosmosun Araşdırılması İdarəsinə (NASA) məxsus “Perseverance” aparatı Marsa eniş edib. Aparatın Qırmızı planetə enməsi NASA-nın saytında da canlı olaraq yayımlanıb.
APA NASA-ya istinadən xəbər verir ki, aparatın buraxılması və enməsi onun Mars atmosferinin üst qatına çatacağı zaman baş tutub. Onun sürəti əvvəlcə 20 000 km/saat, daha sonra 3,2 km/saat təşkil edib. Aparatın üç trosla Yezero kraterinə yumşaq şəkildə enməsi gözlənilirdi.
Bu, Marsa enən NASA-nın beşinci kosmik aparatıdır.
“Perseverance” Marsdakı çökmə süxurların xüsusiyyətlərini öyrənməklə yanaşı, həm də göyərtəyə quraşdırılmış xüsusi “kabinet”də bunların nümunələrini toplayacaq. Burada saxlanılan minerallar Marsa göndəriləcək Avropa Kosmik Agentliyi və NASA-nın xüsusi müştərək missiyası ilə planetimizə gətiriləcək. Həmin missiyanın 2026-cı ildən tez baş tutmayacağı da məlumdur.
“Perseverance” kosmik aparatı Marsa enişdən dərhal sonra isə planetdə çəkdiyi ilk fotosunu göndərib.
Aparat 19 fevral tarixində, Bakı vaxtı ilə saat 00:55-də planetə enib, NASA zonddan enişin uğurlu olduğunu göstərən siqnal aldığını bildirib.
