"İnterfaks-Ukraina" İnformasiya Agentliyi 2020-ci il üçün dünyanın siyasi liderlərinin qalibiyyət və uğursuzluq reytinqlərini açıqlayıb.
"İlin qalibi" nominasiyası üzrə Azərbaycan Prezidenti İlham Əliyev nominantlar sırasında ön cərgədədir. Agentlik belə hesab edir ki, buna səbəb Dağlıq Qarabağda uğurlu hərbi əməliyyatların aparılması nəticəsində Azərbaycanın qalib gəlməsidir. İlin qaliblərinin TOP-10-da Türkiyə prezidenti Rəcəb Tayyib Ərdoğanın, Moldovanın yeni seçilmiş prezidenti Maya Sandunun, Çin, Litva, Boliviya, Qırğızıstan, Macarıstan liderlərinin və digər şəxslərin də adı var.
"İlin uğursuzu" nominasiyasına isə Ermənistanın baş naziri Nikol Paşinyan layiq görülüb. Bununla bağlı TOP-10-da həmçinin Belarus prezidenti Aleksandr Lukaşenkonun, İsrailin baş naziri Benyamin Netənyahunun, Fransa prezidenti Emmanuel Makronun və digər şəxslərin adları yer alıb.
