68 yaşlı ABŞ sakini Betti Makfeyl 60 il burnunda portağal çəyirdəyi gəzdirərək yaşayıb. "Baki-Baku.az" xəbər verir ki, bu barədə məlumatı "Daily Star" yayıb.
Məlumatda bildirilib ki, 68 yaşlı xanım Makfeyl həmişə burun tutulmasından əziyyət çəkib. Dekabrın 2-də burnunu silərkən salfetkanın arasına portağal çəyirdəyinin düşdüyünü görüb. Bundan sonra onun burun tutulması keçib, həm də hiss edib ki, nəfəs alması olduqca yaxşılaşdı. Məsələni əkiz qardaşı Toniyə danışanda ikinci 60 il əvvəl olan bir hadisəni xatırlayıb. Hadisə isə belə olub: bacı-qardaş birlikdə oynayırmışlar. Bacı qardaşı əsəbləşdirib. O isə yediyi portağalın çəyirdəyinin cəza olaraq bacısının burnuna soxub. Hadisə 1960-cı ildə olub.
Həmin gündən sonra Bettinin nəfəs almasında problemlər başlayıb və yalnız ağızla nəfəs alıb. Problem eyni zamanda özünü burun tutulmasında da göstərib.
