- Daxili siyasət
- 11:39 18.09.2024
Akademik Zərifə Əliyeva adına Milli Oftalmologiya Mərkəzinin Avtomobil Səyyar Klinikası Gədəbəy rayon sakinlərinə tibbi xidmət göstərib. Bu barədə məlumat "Baki-Baku.az"a mərkəzdən daxil olub.
Məlumatda bildirilib ki, aksiyadan məqsəd pasiyentləri operativ şəkildə müayinə-müalicə etmək, refraksiya anomaliyalarının aşkarlanmasını müəyyənləşdirmək, göz xəstəliklərinin monitorinqini aparmaq və lazımi tədbirlərin görülməsinə dəstək olmaqdır.
Aksiya çərçivəsində 78 nəfər müayinə olunub. Müayinələr nəticəsində pasiyentlərdə daha çox refraksiya patologiyası konyunktivit, presbiopiya, katarakta və s. diaqnozlar aşkarlanıb.
Aksiya koronavirus pandemiyası ilə əlaqədar ölkəmizdə tətbiq olunan xüsusi karantin rejiminin tələblərinə riayət olunmaqla həyata keçirilib. Ehtiyacı olan pasientlərə dərman yardımı da verilib.