Dünyada koronavirusa yoluxma və ölüm sayı - STATİSTİKA

Dünyada koronavirusa yoluxma sayı 253 640 693, bu xəstəlikdən ölüm sayı isə 5 104 899 nəfərdir.

APA xəbər verir ki, bu barədə Ümumdünya Səhiyyə Təşkilatının (ÜST) noyabrın 16-na olan son hesabatında bildirilib.

Qeyd edilib ki, ən çox yoluxma halı ABŞ (46 780 515), Hindistan (34 456 401) və Braziliyada (21 957 967) qeydə alınıb.

Təsdiqlənmiş ölüm sayına görə birinci yerdə ABŞ (756 664), sonrakı yerlərdə isə Braziliya (611 283) və Hindistandır (463 852).