USD/AZN
1.7
EUR/AZN
2.008
RUB/AZN
0.0228
TRY/AZN
0.2304
Bakı:
12°C
Turan Bank

Bir sual, bir cavab - Polikistik yumurtalıq sindromu barədə nə bilirik?


https://img.baki-baku.az/news/2021/07/photo_4488.jpg?v=MjAyMS0wNy0zMCAxMDo0NDo0NQ==

Bu gün qadın xəstəliklərinin cavanlaşması, hətta artıq çox erkən yaşlarda qızların müəyyən narahatlıqlarla həkim-ginekoloqlara müraciəti intensivləşib. Aidiyyatı araşdırmalar belə deməyə əsas verir ki, 100 qadından 60-da rastlanan bu xəstəliyin gəncləşməsi, bu gün xanımların, xüsusilə gənc qızların qadın sağlamlığı ilə bağlı maarifləndirilməsinə ciddi ehtiyac yaradır.     Sosial media üzərində qadınların təkrar-təkrar soğuladığı məsələlərə aydınlıq gətirmək məqsədilə, ünvanlanan suallara cavab tapmaq istəklərini nəzərə alaraq problemlərə peşəkar həkimlərin  yanaşmasını  sərgiləmək qənaətindəyik. "Baki-Baku.az" bu baxımdan “German Hospital”ın mama-ginekoloqu, Dr. Ləman Əliyevaya saytımızın daimi izləyicilərindən birinin sosial şəbəkə vasitəsilə ünvanladığı sualı ünvanlayır. Beləliklə başlayaq. 

Sosial şəbəkə istifadəçisi Lyudmila Həmidova: 

- Polikistik yumurtalıq xəstəliyi gənc  qızlarda daha tez-tez  müşahidə olunur. Bir valideyn kimi bu məsələ məni narahat edir. Qızlarımızın gələcəkdə bu problemlərlə üzləşməməsi üçün nə etmək lazımdır, xəstəliyin qarşısı necə alına bilər?

Dr. Ləman Əliyeva: 

- Polikistik yumurtalıq sindromu hormonal pozulmaya bağlı olan bir xəstəlikdir. Günümüzdə qeyri düzgün qidalanma, təmiz olmayan ekologiya insan orqanizmində hormonal problem yaratdığı üçün bu xəstəliyə də tez-tez rast gəlirik. Bu zaman uzun fasilələrlə adət görmə və ya menstrual siklın kəskin pozulması baş verir. Nəticə etibarilə qanda androgenlərin artmasına bağlı dəridə yağlılıq, səpkilər, saç tökülməsi və tüklənmə hallarına rast gəlinir. Eyni zamanda insulin metabolizması da pozulduğu üçün əsasən göbək ətrafında piylənmə baş verir. Ayda bir dəfə yetişib partlamalı olan follikullar bu xəstəlikdə axıra qədər yetişmir və ultrasəs müayinəsində yumurtalıq səthində toplanmış çoxsaylı kistalar şəklində görünür ki, xəstəliyin adı da burdan götürülmüşdür.

Polikistik yumurtalıq sindromunun diaqnozu klinik təzahürlərin, laboratoriya göstəricilərinə və ultrasəs müayinələrinin birgə qiymətləndirilməsi yolu ilə qoyulur.

Belə hallarda qan təhlilində çıxan hormonal pozulmaya əsasən doğum kontrol həbləri və ya adət düzənləyici həbləri məsləhət görülür. Dərman müalicəsi əsasən bədəndəki hormon mübadiləsini, yağ və şəkər metabolizmini normallaşdırmaq üçündür. Bununla yanaşı xəstəyə uyğun pəhrizin və idmanın təyin edilməsi də çox  önəmlidir. Yumurtalığın funksiyası pozulmuş xəstələrdə isə laparoskopik cərrahiyyə məsləhətdir.

"Baki-Baku.az"




Redaktorun seçimi

Solovyova “Geriyə dön!” əmri verildi
  • Daxili siyasət
  • 10:33 29.03.2024
Solovyova “Geriyə dön!” əmri verildi
Maskalar yırtılır, paktlar üzə çıxır
  • Daxili siyasət
  • 09:47 28.03.2024
Maskalar yırtılır, paktlar üzə çıxır
Rasmussen Ermənistana yağlı vədlər verir
  • Daxili siyasət
  • 09:44 28.03.2024
Rasmussen Ermənistana yağlı vədlər verir
Putinin seçki qələbəsi
  • Daxili siyasət
  • 10:05 19.03.2024
Putinin seçki qələbəsi

Səhiyyə