Rusiyadan Ermənistana “Sputnik V” peyvəndinin ilk partiyası çatdırılıb

Rusiyadan Ermənistana yeni növ koronavirus (COVID-19) infeksiyasına qarşı “Sputnik V” peyvəndinin ilk partiyası çatdırılıb. 

APA-nın TASS-a istinadən verdiyi xəbərə görə, Rusiyanın Ermənistandakı səfirliyinin müşaviri Pavel Kuroçkin bildirib ki, peyvəndin ilk partiyasına 15 min doza daxildir.

Ermənistanın səhiyyə naziri Anait Avanesyan jurnalistlərə açıqlamasında deyib ki, Ermənistan tərəfi ölkəyə çatdırılan vaksinin ilk partiyasına görə 142 500 dollar ödəyib. Onun sözlərinə görə, vaksinin hər iki dozasına 19 dollar ödənilib.