Koronavirusun peyvəndin təsirini azaldacaq təhlükəli mutasiyası aşkarlanıb

Rumıniyanın Suçava şəhərində yerləşən Böyük Ştefan Universitetinin mütəxəssisləri koronavirusun yeni təhlükəli mutasiyasını aşkar ediblər. 

AZƏRTAC Rumıniya Səhiyyə Nazirliyinə istinadla xəbər verir ki, yeni mutasiya Böyük Britaniya ştammının xüsusiyyətlərini və eyni zamanda peyvəndlərin təsirini azalda biləcək E484K mutasiyasını özündə daşıyır. Qeyd olunur ki, hazırda yeni mutasiya ilə yoluxanların sayı az olmasına baxmayaraq, bu tip koronavirusun yayılması peyvənd olunan əhaliyə də mənfi təsir göstərəcək.