- Daxili siyasət
- 13:27 21.09.2024
ABŞ cərrahları dünyada ilk dəfə olaraq yanğın nəticəsində zərər çəkmiş şəxsə sifət və iki əl köçürüblər. "Baki-Baku.az" xəbər verir ki, bu barədə məlumatı "Assoşeyted Press" yayıb.
Məlumatda bildirilib ki, 2018-ci ildə Nyu-Cersi sakini Cim Dimeo gecə evə qayıdarkən sükan arxasında yatıb. Bunun nəticəsində baş vermiş qəzada maşın aşıb. Yanğın Dimeonun bədəninin 80 faizinin yararsız hala salıb, əllərini itirib. O, xəstəxanada qaldığı 4 ay ərzində 20 dəfə cərrahiyyə əməliyyatı keçirib.
2019-cu ildə həkimlər Cimə ölmüş donordan sifət və əllər transplantasiya etmək qərarına gəliblər. 23 saat davam edən əməliyyat nəticəsində xəstəyə saçından hətta boyun nahiyyəsinədək dəri yerləşdiriblər.
Hazırda Nyu-Cersi sakini sərbəst şəkildə əllərini, sifətini tərpədə bilir. Bununla belə ona bəzi tibbi prosedurlardan keçmək vacibdir.