- Daxili siyasət
- 12:40 07.09.2024
A vitamini çatmayan şəxslərdə qızılca daha ağır keçir və xəstəlik fəsadlaşa bilər. Bu, tədqiqatlar zamanı da sübut olunub.
Bunu Səhiyyə Nazirliyinin mütəxəssis-eksperti, infeksionist Təyyar Eyvazov nazirliyin rəsmi instaqram səhifəsində “Qızılca” mövzusunda yayımlanan canlı yayımda deyib.
İnfeksionist bildirib ki, milli peyvənd təqvimində də A vitamininin verilməsi nəzərdə tutulub. O cümlədən qızılcaya yoluxmuş və ağır keçirən xəstələrə A vitaminin təyini məqsədəuyğun sayılır. Təbii ki, bu zaman doza yaşa görə təyin olunur.