- Daxili siyasət
- 12:40 07.09.2024
Bir yəhudi məsəlində deyilir ki, hansısa yalanın həqiqət kimi qəbul etdirilməsinə çalışmaq da səmərəsizdir, hansısa həqiqətin yalan olduğunu “sübut etmək” də. Yəhudilər bunu deməklə fikirlərini tamamlayıblar. Biz isə əlavə edirik ki, ermənilər mövcud olduqları bütün dövrlərdə özlərinin uydurduqları yalanları həqiqət kimi qəbul etdirməyə çalışıblar, başqa xalqların həqiqətlərinin isə yalan olduğunu sübut etməyə indiyədək çalışırlar. Amma, yəhudilər demişkən: səmərəsizdir.
“Xalq qəzeti”nin ötən saylarından birində verilmiş “Amerika və Avropanın aparıcı ravvinləri Azərbaycanı dəstəkləyirlər” adlı materialda belə bir fikir yer almışdı: “Bütün dünya ravvinlərinin erməni təbliğatını pislədiyini vurğulayan İsrailin ingilis dilində nüfuzlu nəşri olan “The Jerusalem Post” yazır: “Azərbaycan yəhudi icması... yəhudi rəhbərliyinə müraciət edir ki, İranın müttəfiqləri tərəfindən Holokostdan Qarabağ regionunda davam edən böhranla əlaqədar istifadəni pisləsin”. “The Jerusalem Post” bildirir ki, bu müraciət artıq dünyanın bir çox nüfuzlu ravvinləri tərəfindən dəstəklənib”.
Maraqlıdır, Holokost faciəsini son zamanlar Xankəndidə baş verən proseslərlə necə əlaqələndirmək olar? Axı Holokost Hitler Almaniyası tərəfindən, irqi ayrı-seçkilik, antisemitizm düşüncəsi (antisemitizm yəhudiləri təhlükəli qövm, nifrət ediləsi camiyyə kimi görən xalq və dövlətlərin irqçi təfəkkürüdür) əsasında dövlət səviyyəsində, xüsusi hazırlanmış proqram əsasında altı milyondan çox Avropa yəhudisinin məhv edildiyi, bəşər tarixində ən qanlı və dəhşətli soyqırımı faktıdır. Ekspertlər Ruandada milyona yaxın insanın məhv edildiyi soyqırımını da Holokostla tay tutmurlar. Daha doğrusu, buna cəhd etmirlər.
Xatırladaq ki, 1994-cü ilin aprel-iyul aylarında baş vermiş Ruanda soyqırımı (və ya rəsmi olaraq tutsilərin soyqırımı) kimi tarixə düşən bu qanlı faciədə, təxminən, bir milyona yaxın insan həlak olmuşdur. Ölənlərin 70 faizi tutsilər idi. Qurbanların ümumi sayı ölkə əhalisinin 20 faizini təşkil edirdi. Soyqırımını Ruandanın siyasi elitası planlaşdırmış, ordu, jandarma və dövlətin dəstəklədiyi təşkilatlar tərəfindən həyata keçirilmişdir. Yəni, söhbət yüz milyonla insanın, bilavasitə dövlət tərəfindən qətlə yetirilməsindən gedir və qeyd etdiyimiz kimi, dünya konfliktoloqları həmin faciənin Holokostla müqayisəsinə cürət etmirlər. Ermənilər isə Xankəndidəki 15-20 min quldurun xaricdən silah almasına maneə yaradılmasını dünyanın ən dəhşətli soyqırımı ilə bərabər tutmağa çalışırlar. Sadəcə, utanmazlıq yox, həm də şərəfsizlikdir.
Sizə üç ölkədən humanitar yardım göndərilir, açın yolları, qəbul edin və zəhərlənin. Özünüz öz başınıza problem yaradırsınız və sonra sızıldayırsınız ki, ay haray, bizə qarşı soyqırımı törədildi. Əslində. ekspertlər şərh verməkdə çətinlik çəkirlər. Xankəndidə nə baş verib ki, ermənilər həmin hadisəni Holokosta bənzətməyə çalışırlar?
Bu sualın cavabı tapılmasa da, ümumi fikir bundan ibarətdir ki, 1915-ci ildə Osmanlıda baş verən qanlı faciələrin (ABŞ prezidentləri həmin faktı, adətən, soyqırımı yox, məhz qanlı faciələr adlandırırlar) miqyasını qabartmaq məqsədilə Holokostu gözdən salmaq, urvatsız eləmək yolunu tutublar.
Bəli, ermənilər dünyanın ilk insanları olduqlarını, xristianlığı hamıdan tez qəbul etdiklərini, İkinci Tiqranın dövründə az qala dünyanın yarısına sahib olduqlarını, 1915-ci ildə soyqırımına məruz qaldıqlarını, 1948-53-cü illərdə azərbaycanlıların Ermənistandan könüllü olaraq çıxıb getdiklərini, Xocalı soyqırımında qətiyyən günahkar olmadıqlarını söyləyəndə də yalan danışmışdılar. Ancaq Laçın sərhəd keçid məntəqəsinin yaradılması ilə Holokostu müqayisə edəndə... əsl erməni xislətinin nədən ibarət olduğunu göstərdilər.
Qəzetimizdə verilmiş məqaləni oxuyandan sonra ermənilərin İsrailə və yəhudilərə münasibətini əks etdirən bəzi faktlara da nəzər saldım. Məsələn, mərhum Arye Qutun bir məqaləsində oxudum ki, İqor Muradyan adlı bir erməni şərhçi 1998-ci ildə yəhudilərin Dağlıq Qarabağ münaqişəsində “barmağı olduğunu”, eləcə də, İsrailin Türkiyə ilə dostluğunu bəhanə edərək, Ermənistandakı yəhudilərin dövlət vəzifələrinə qəbul edilməsinin çox təhlükəli olduğunu yazmışdır.
Yaxud, Romen Yepiskoposyan 2002-ci ildə yazdığı “Milli Sistem” kitabında yahudilərlə türklərin ermənilərin bir nömrəli düşməni olduğunu, Holokostun yəhudilər tərəfindən uydurulduğunu yazmış, faşistlərin yaratdığı qaz kameralarında heç kəsin öldürülmədiyini iddia etmişdir. Hələ, bu az imiş kimi, 1915-ci ildəki uydurma erməni soyqırımının da yəhudilər tərəfindən təşkil olunduğunu sübut etməyə çalışmışdır.
Başqa bir fakt. Millətçi Armen Avetisyan 2002-ci ilin aprelində erməni soyqırımını tanımayan İsrail səfiri Rivka Kohenin persona non qrata elan edilməsini tələb etmişdir. Elə Erməni Xalq Partiyasının lideri Tiqran Karapetyanın telekanalında yəhudiləri erməni soyqırımında Osmanlılarla əlbir olmaqda suçlayan və “şeytanı öz yuvasında öldürməyə” çağıran da məhz həmin Armen Avetisyan olmuşdu. Onun fikrincə, ölkəsində yəhudi azlığı olan dövlətlərin hamısı təhlükə altındadır.
Təbii ki, İsrail dövləti və yəhudi xalqı bu azğın və pozğun ermənilərin cəfəngiyyatlarını cavabsız qoymurlar. Məsələn, ABŞ-da yayımlanan nüfuzlu “Jeviş Journal” qəzeti 2015-ci ildə “Ermənistan Holokostda iştirak etmiş faşist və antisemitlərin xatirəsini əbədiləşdirir” adlı geniş məqalə yaymışdır. Həmin məqalədə göstərilir ki, sabiq baş nazir Qrant Baqratyan parlamentin iclasında demişdir ki, İsrail erməni soyqırımını tanımasa, biz də Holokostu tanımayaq. Halbuki, Nürnberq prosesindən sonra bütün dünya Holokostu tanımışdır. Ermənilər hələ də şübhə edirlər. Müəllifin fikrincə, Holokostu faşist Almaniyası bütün dünyanın gözü qabağında törətmişdir. “Erməni soyqırımı” deyilən hadisələr isə Çar Rusiyasının Osmanlı ərazisində erməni dövləti yaratmaq kimi fitnəkarlığından sonra baş vermişdir.
Bu məqamda daha bir erməni rəzalətini yada salmaq zərurəti yaranır. Belə ki, dünya erməniləri 20 - 24 iyun 1982-ci ildə İsrailin Təl-Əviv şəhərində Holokost mövzusunda keçirilən böyük konfransın təşkilinə müdaxilə edərək gündəliyə “Erməni soyqırımı” adlı altı məruzə salınmasına nail olmuşdular. Bundan qəzəblənən Türkiyə hökuməti konfransda özünün təkzib etdiyi “erməni soyqırımı2 mövzusu ilə bağlı prezentasiyaların yer almasına görə onu ləğv etməyə çalışmışdır. Nəticədə İsrailin rəsmi Holokost memorialı olan Yad Vaşem və Vizel də daxil olmaqla bir çox yüksək səviyyəli iştirakçılar konfransda iştirak etməmək qərarına gəlmişdir. Xatırladaq ki, 1982-ci ildə Türkiyə İsrailin diplomatik əlaqələr saxladığı azsaylı müsəlman ölkələrindən biri idi. İsrail Türkiyə ilə münasibətlərinə xələl gətirməsindən narahat olduğu üçün “erməni soyqırımı”nı heç vaxt tanımamışdır.
Bundan başqa, Türkiyə diplomatı Mithat Balkan həmin konfransdan əvvəl demişdir ki, əgər “erməni soyqırımı” ABŞ-nin planlaşdırdığı Holokost Memorial Muzeyinə daxil edilərsə, Türkiyə NATO-dan çıxa bilər. Türkiyəli diplomat Kamuran Gürün isə İsrailin İstanbuldakı konsulluğuna bildirmişdir ki, o, İsrail hökumətinin konfransı ləğv etmək cəhdlərinin, ilk növbədə, yəhudilərin xeyrinə olduğuna inanır, çünki erməni soyqırımı ilə bağlı təqdimatlar Holokostun unikallığına xələl gətirir. Nəticədə konfrans ləğv edilmişdir.
Göründüyü kimi, erməni iyrəncliyi tarixin bütün dönəmlərində müsbət tendensiyaların qabağına atılmış kötük rolunu oynamışdır.
O ki qaldı yuxarıda dediyimiz “erməni quldurları” ifadəsinə, bu, həqiqətən belədir. Onların əməlləri artıq işğalçı, terrorçu, təxribatçı, separatçı ifadələrini çoxdan “geridə qoymuşdur”. Onların hamısı – başçıları da, əli silah tutanları da , sözün həqiqi mənasında quldurluq edirlər. Elə Holokostu “unutduraraq” “erməni soyqırımı”nı qabartmaq cəhdini də normal insanlar yox, məhz quldurlar edə bilərdi ki, edirlər.
İttifaq MİRZƏBƏYLİ