- Daxili siyasət
- 13:27 21.09.2024
Azərbaycan Prezidenti İlham Əliyevi və azərbaycanlı qardaşlarımızı Dağlıq Qarabağda Zəfərləri münasibətilə öz adımdan və millətim adından təbrik edirəm.
APA-nın xəbərinə görə, bunu Türkiyə Prezidenti Rəcəb Tayyib Ərdoğan Türk Şurası liderlərinin qeyri-formal görüşündə deyib.
“44 günlük dastanvarı Zəfərdən sonra 30 illik işğal sona çatdı, Dağlıq Qarabağ Ana Vətənlə təkrar qucaqlaşdı. Təbii asan deyil. Hər şeydən öncə Dağlıq Qarabağda 67 məsciddən 63-ü dağıdılıb, kilsələr də tar-mar edilib”, - deyə Ərdoğan vurğulayıb.
“Azərbaycanın bölgəni inkişaf etdirməsi üçün məcburi köçkünlərin torpaqlarına qayıtması böyük əhəmiyyət kəsb edir”, - deyən Ərdoğan qeyd edib ki, Ramazan bayramından sonra Azərbaycan Prezidenti İlham Əliyevlə birlikdə Şuşanı ziyarət etməyi arzulayır: “Ramazan bayramından sonra Şuşanı ziyarət etməklə, Şuşada yeni bir bayram yaşamağı istəyirik”.
“Bu gün 1918-ci ildə azərbaycanlıların soyqırıma məruz qaldıqları gündür. Biz heç bir zaman Xocalı qətliamını unutmadıq, bir müddət əvvəl Xocalı faciəsini təkrar andıq. Qətl edilən on minlərlə soydaşımızı rəhmətlə anıram”, - deyən prezident Ərdoğan bildirib: “Qarabağda türk mirasının qorunması üçün bütün imkanlarımızla Azərbaycanın yanında olmağımız vacibdir. Hamımız birlikdə Azərbaycanın yanında olmağı davam etdirməliyik”.