- Daxili siyasət
- 09:37 20.09.2024
“Dağlıq Qarabağda atəşkəsə nəzarət üzrə Birgə Rusiya-Türkiyə Mərkəzinin tikintisi aparılır. Çox qısa müddət ərzində orada xidmətə başlanılacaq”.
APA-nın “Anadolu” agentliyinə istinadən verdiyi xəbərə görə, bunu Türkiyənin milli müdafiə naziri Hulusi Akar deyib.
“Mərkəzdə türk və rus generalı, türk və rus zabitləri atəşkəsə nəzarət edəcək, davamlı atəşkəsin əldə olunması üçün birgə xidmət göstərəcəklər”, - deyə türkiyəli nazir vurğulayıb.
"Azərbaycanla hərbi təlim və zabit hazırlığı ilə bağlı qarşılıqlı əməkdaşlığımız davam edir", - deyən Hulusi Akar bildirib ki, Türkiyə bu məsələlərdə əlindən gələn bütün köməkliyi Azərbaycana göstərəcək.
“Sona qədər azərbaycanlı qardaşlarımızın haqlı mübarizələrində yanındayıq. Buna heç kimin şübhəsi olmasın”, - deyə H. Akar vurğulayıb.