Gürcüstandan Gürcüstana - Prezidentin yeni təyin etdiyi səfir kimdir?

Məlum olduğu kimi, Prezident İlham Əliyev bu gün Azərbaycanın Gürcüstandakı Səfiri Dursun Həsənovun geri çağrılması ilə bağlı Sərəncam imzalayıb. Dövlət başçısı onun yerinə Faiq Maqbed oğlu Quliyev Səfir təyin edib.

Qeyd edək ki, F.Quliyev 2018-ci ilin martında Prezidentin Sərəncamı ilə Azərbaycanın Diasporla İş üzrə Dövlət Komitəsi sədrinin müavini təyin edilmişdi. Bundan əvvəl isə o, “SOCAR Energy Georgia” MMC-də marketinq və beynəlxalq əlaqələr bölməsinin rəisi vəzifəsində çalışıb.