Milli Musiqi Günü ilə bağlı paylaşım - Mehriban Əliyevadan 18 sentyabr təbriki

“Milli Musiqi Günü münasibətilə Azərbaycan musiqisinin qorunub saxlanılması, inkişaf etdirilməsi və dünyada tanıdılması naminə əlindən gələni əsirgəməyən hər kəsə səmimi təbriklərimi yetirir, onlara bu işdə böyük uğurlar və nailiyyətlər arzulayıram". Bu fikirləri Azərbaycan Respublikasının Birinci vitse-prezidenti Mehriban Əliyeva rəsmi “Instagram” səhifəsində paylaşıb. 

M.Əliyeva 18 sentyabr Milli Musiqi Günü ilə bağlı paylaşımında bildirib ki, "bu gün 135 illiyini qeyd etdiyimiz görkəmli Azərbaycan bəstəkarları Üzeyir Hacıbəylinin və Müslüm Maqomayevin əziz xatirəsini ehtiramla yad edirəm".

Ölkəmizin Birinci vitse-prezidenti paylaşımında həmçinin milli musiqimizin öz ənənələrini qoruyub saxlayaraq yeni səslərlə, yeni ifalarla və yanaşmalarla daim zənginləşməsi ilə bağlı arzusunu da ifadə edib.