Valeh Ələsgərov: Ələt Azad İqtisadi Zonasında qeydiyyatdan keçən şirkətlərdən 3-ü müəssisələrinin inşasına başlayıb

Artıq Ələt Azad İqtisadi Zonasında bir neçə şirkət qeydiyyatdan keçib və onlardan 3-ü öz müəssisələrinin inşasına başlayıb.

Bunu AZƏRTAC-a açıqlamasında Ələt Azad İqtisadi Zonasının Səlahiyyətli Qurumunun İdarə Heyətinin sədri Valeh Ələsgərov deyib.

O bildirib ki, 3 şirkət isə layihələndirmə işlərini başa çatdırmaq üzrədir. Onun sözlərinə görə, həmin şirkətlər bu ilin sonu və ya gələn ilin əvvəli inşaat işlərinə başlayacaq. Eyni zamanda, başqa şirkətlərlə də danışıqlar aparılır.