COVİD-19-la bağlı ölkədə maskaya yaranan ehtiyac tamamilə ödənir. Hazırda bütün apreklərdə kifayət qədər maska ehtiyatı var.
Bakı Tekistil Fabrikinin nəzdində fəaliyyət göstərən maska zavodu gündəlik 400 min tibbi maska istehsal edir. Bu maskalar 3 qatdan ibarətdir. Tamamilə sterilizə olunur. Maskaları 4-6 saat müddətində istifadə olunmalıdır.
Qısa müddətdə ölkəmizdə 16 milyon tibbi maska istehsal olunub.
SOSİUM.az xəbər verir ki, bunu Bakı Teksitil Fabrikinin direktoru Səkinə Babayeva ölkədə tibbi maska ehtiyacının ödənməsindən danışarkən bildirib.
Bundan başqa, fabrik tibbi maskalarla yanaşı, önlüklər, tibbi kombizonlar, əlcəklər, papaqlar, qolçaqlar, həkim xalatlar kimi digər tibbdə lazım olan ləvazimatlar da istehsal edir.
Maskanın satışda olan qiymətindən danışan Səkinə Babayeva əlavə edir ki, qiymət xarici ölkədən alınan xammaldan aslı olaraq tənzimlənir.
“Xammalın əsasında maskaları 12-17 qəpik arasında bazara çıxarılır. Yəni, xammalı ucuz alanda qiymətdə münasib olur. Xaricdən xammal baha alınında isə qiymət yüksək olur”, deyə əlavə edib.
