İsmayıl Şıxlının yaradıcılığına həsr edilmiş virtual sərgi

Bakı Şəhər Mədəniyyət Baş İdarəsinin Nizami rayon Mərkəzləşdirilmiş Kitabxana Sistemi (MKS) Xalq yazıçısı İsmayıl Şıxlının əsərlərindən ibarət virtual kitab sərgisi təşkil edib.

MKS-dan AZƏRTAC-a bildirilib ki, sərgini təşkil etməkdə əsas məqsəd oxucularda mütaliəyə marağı artırmaqdır. Karantin günlərində oxucuların kitabxanaya getməsində məhdudiyyət yarandığına görə, onların kitaba olan marağının itməməsi üçün kitabxana tərəfindən belə virtual sərgilər davamlı olaraq təşkil edilir.

Qeyd edək ki, İsmayıl Şıxlı 1919-cu il martın 22-də Qazaxın İkinci Şıxlı kəndində müəllim ailəsində anadan olub. İlk mətbuat əsəri “Quşlar” şeiri 1938-ci ildə “Ədəbiyyat” qəzetində dərc olunub. Ədəbi yaradıcılığa 1947-ci ildə “İnqilab və mədəniyyət” jurnalında çap etdirdiyi “Həkimin nağılı” hekayəsi ilə başlayıb.