- Dünya
- 10:44 29.03.2024
Britaniyanın Almaniyadakı səfirliyinin əməkdaşı Rusiyaya casusluq etmək ittihamı ilə həbs olunub.
APA-nın "SkyNews" telekanalına istinadən verdiyi xəbərə görə, bu barədə Almaniya prokurorluğu məlumat yayıb.
Bildirilib ki, Potsdamda həbs olunan David S. adlı şəxs həbs olunana qədər Britaniyanın Berlindəki səfirliyində yerli işçi olaraq çalışıb.
"Ən azı bir dəfə peşə fəaliyyəti zamanı əldə etdiyi sənədləri Rusiya kəşfiyyat xidmətinin nümayəndəsinə göndərib. Məlumat müqabilində təqsirləndirilən şəxs məlum olmayan məbləğdə nağd pul alıb", - deyə prokurorluğun məlumatında bildirilib.