"Lotu Quli" öldürüldü

Azərbaycanlı "qanuni oğru", kriminal aləmdə "Lotu Quli" ləqəbi ilə tanınan Nadir Səlifov qətlə yetirilib.

Anadolu Agentliyi bildirir ki, "Lotu Quli" Antalyada Serik rayonundakı otellərin birində birlikdə yemək yediyi yaxın adamı tərəfindən başından güllələnib. Səlifov xəstəxanaya çatdırılıb. Lakin onun həyatını xilas etmək mümkün olmayıb.

Məlumatda o da bildirilir ki, qətli törədən şəxs hadisə yerindən qaçsa da, Antalya-Dənizli yolunda saxlanılıb.

Qeyd edək ki, Nadir Səlifov 1972-ci il avqust ayının 28-də Gürcüstanın Dmanisi rayonunda doğulub. 21 il həbs həyatı yatıb. Axırıncı dəfə 2017-ci ilin oktyabrında azadlığa buraxılıb. Həbsdən çıxdıqdan sonra İstanbulda yaşayıb.