Regional istiləşmə həddini əvvəllər düşünüldüyündən daha tez görəcəyik.
Baki-Baku.az bu barədə “Moskovski Komsomolets”ə istinadən xəbər verir.
Məlumata görə, Sürix Ali Texniki Məktəbi, Stenford Universiteti və Kolorado Ştat Universitetinin alimlər qrupu bəyan edib ki, söhbət 1.5 dərəcə Selsi istiləşmə həddindən gedir.
Əvvəllər bildirilirdi ki, Yer kürəsinin əksər quru regionları 2040-cı ilədək və ya bir qədər əvvəl 1.5 dərəcə Selsi kritik istiləşmə həddini keçəcək. Lakin 10 iqlim modelinin təhlilinə əsasən, 34 quru region 2040-cı ilə qədər 1.6 dərəcə Selsi istiləşmə səviyyəsini keçəcək.
Məqalədə həmçinin qeyd olunur ki, bu zaman həmin regionların 31-də hədd 2 dərəcə Selsini, 26 regionda isə 2060-cı ilə qədər istiləşmə 3 dərəcə Selsi həddini keçəcək.
